ich han diich bruucht
und du bisch da gsi
aber hesch mer nid gholfe
ich han dich grüeft
han nach dir gschroue und uf dich gwartet
doch du hesh dich nid z erkenne gää
ich han dich abätted und
dich welle gspüre
doch du hesch mich chalt laa
ich bin zmittst im rege gstande
und han uf dich vertraut
doch du hesch mich nid gschützt
ich bin nass worde und trurig
wieso hesch du das zuela?
die alt bekannt frag.
doch was du würklich vo mir wetsch..
was ich würklich ändere söll..
was ich würklich falsch mach..
nur du waisch es
und ich frög und frög
under träne und truurigkait
du bisch scho daa
aber es isch nur de glaube wo mir das sait
und es sind nid mini auge, nid mini ohre, nid mini sinn..
ich knall dir alles vor t füess
ich schmaiss mis ganze lebe hii
und du nimmsch es dankend aa
du nimmsch es sorgfältig i dini allmächtige händ
und du hesch en weg
du hesch en plan
und egal wo ane de plan mich füehrt
und wie unklar alles isch
wie beschisse dases sich afühlt
ich muen nid denke
ich muen nid fühle
ich muen nid us eigner chraft lebe und kämpfe
ich muens dir nur anegää
dir vertraue
und wüsse, du wirsch es richtig mache
denn wär wür das besser chönne als du, wot mich gmacht hesh?
wär chan mich besser verstah als du, wot i mich ine gsehsch?
wär waiss besser was ich bruch wenn nid du, wot mich kennsch?würklich kennsch!
ich chennt alles ufgää
ich chennt sterbe
aber demit wür ich dir nid diene
und min uftrag isches, dir z diene
vo ganzem herze
doch mis herz isch chalt
es isch gfrohre
es bewegt sich nid und fühlt mengmal nid
es isch als würs stah blibe
und niemeh widr welle schlaa
doch es hätt nie ufghört
du hesch na so viel vor
so viel potenzial wot i mich glait häsch
so viel schwächene woni mi verbesser chan!
schaisse.
wie tumm bin ich aich?
das ich alles nid tschegge?
mini händ rased über t tastatur.
ich überlegg nüüt. rain gar nüüt.
ich schrib AIFACH!
und wonich das alles widr lies,
gsehn ich ershd, was mit mir isch.
und vielich au was du mir sege wetsch?
ich verstahn dini sprach aifach nid!
redsch du dur anderi? und wie wettich wüsse, dases du bisch?
redsch du dur engel, wo mir täglich begegned?
redsch du dur troim, wo mich innerlich zerfrässed?
redsch du dur gfühl, wo ufe und abe gönd?
redsch du dur zätteli, wo vom himmel flüüged?
redsch du dur mich selber zu anderne?
wiso redsch nid so, dases mini ohre wahrnä chönd?
wiso bewegsch dich nid so, das ichs fühl?
wiso zaigsch dich nid so, das ichs mit aigne auge gseh chan?
es isch nid de glaube wo fählt. nie.
es isch t liebi.
es isch s füür.
es isch t liideschaft.
mis härz
so staihärt
so chalt und undurchdringlich
es schlaht und schlaht
doch es will ufhöre
und du lahschs nid zue
danke!!
dankä glaubsch du au a mich!
danke gsehsch du au s guete i mir!
du lebsch in mir..
gfallts der det?
es isch doch alles dräckig und schwarz!
ich chan dich zwar um vergebig bitte, ja.
ich chan dir au ehrlich alles sege, ja.
und ich chan au vo ganzem herze sege das ich a dich glaube, ja.
aber wo isch t liebi?
sehnsucht.
unwüsseheit.
verlange.
nach dir.
nach liebi.
nach de wärmi vo diir usgehend.
ich waiss nid was.
ich waiss nüt.
doch du waisch alles.
und ich därf dich kenne?
wär bin ich shoo das ich die ehr han?
ich bin so tüüf, du chasch nur uf mich abeluege!
abr du machsch es nid.
du bringsch mir respekt und liebi entgege.
wiso akzeptiersch du mich, bi allem wonich falsch mach?
du hesh mir na nie en grund gää uf dich hässig zsii.
aber wieviel mal bin ich vor wuet träne überflueted worde?
wieviel mal han ich nid gwüssd was du wetsch
wievil mal han ichs au gar nid würklich welle wüsse?
wievil mal han ich gmaint ich chön das selber
und dir nid all beraich hii gää
bis ich so tüüf gsunke bin, das ich gmerkd han,
ich chans nüm allai. und ich hans nie chönne.
ich han kai andri wahl, als dir alles hiizlegge
wil mis herz nüt anders zuelaa würd
will ich waiss das du de wäg bisch.
du bisch de wäg
t wahrheit und s läbe
s ewige lebe!
wie unvorstellbar gross muesch du sii?? wie krass mächtig und wie unglaublich schöön?
und wie wenig bewussd bin ich mir, mit wem dasichs ztue han!
wie chanich nur denke, das du mich uft prob stelle wötsh und s mir extra schwer mache, wenn ich mich selber id schaiisse bringe?
du hesh gnau gwüssd dasich so tüüf gheie wird
doch du hesh nüt degege gmacht
will du au mir vertraut hesh
obwohl du gwüssd hesh, das ichs versau
hesh du mir e chance gää, und du wirsch es immer wieder!
bi dir gittz kais " es isch verbi. "
odr es " du chasch mich mal. "
du kennsch kais " uf dis niveau lahn i mi nid abe. "
will du ebe gnau die liebi bisch
die barmherzigkait und die wärmi
danke für alles.
ich bin so verwirrd und durenand
aber ich waiss, ich chan dir alles gä.
jedes ainzelne gfühl, jede chlinschti gedanke, jedi wuet und au alles schöne.
du nimmsch es und bewahrsch es behuetsam.
du bisch aifach alles was ich bruch
und ich wett dich!
danke für alles!
