lahn mich los

ich gsehn kain sinn meh drin
mit dir z rede

ich han kai luschd meh
mit dir z diskutiere

immer s gliche
und nie endets ohni striit

ich han kai bock immer z mache was du willsch
du weisch es ja immer besser, mainsch?

du bisch für mich so chliin worde
im gegesatz zu anderne mensche wo mich ernsht nemed

es duet mer laid für dich
aber irgendwie hesch au selber was dezue biitreit dases so wiit isch cho

lueg aifach mal zershd dich aa
bevor du bi mir driirede wotsch

acht dich mal druf was duu für fehler machsch
bevord versuechsch mich z beschütze vor allem mögliche

du treisch für mich t verantwortig,
aber ich han au na e meinig, es aiges lebe und gfühl

akzeptier das bitte
und lahn mich los

flower power pink

^^butterfly^^

the light from deep within

rainbow heart: broken or not?

rainbow heart

chaos in green with pink heart

give me wings to fly on the black way of life

black heart on fire

points

yellow

ihr zwaaii

ihr zwaaii in liebi?

sie:
..waiss nid so gnau was si wett, isch hin und her grisse!
..waiss nid, öb da verborgeni gfühl sind, ish unsicher!
..findt en kuhl und hätt en gern, doch öbs meh isch?
niemer waisses, nid mal sie selber.
..macht sich gedanke, doch chunnt nie zumne schluss!
..waiss nid was mache und wie sich verhalte.
er:
..waiss was er wött, isch abr schüüch und biz unsicher ihre gegenüber!
..waiss nid, was si denkd und wie si fühlt ihm gegenüber.
..waiss nid was mache und wie sich verhalte.
..findt sie kuhl und hätt sie gern, doch öbs wüki meh isch?


soo viel wo die baide gmainsam hend, doch isches gnueg?
isches gnueg, für e bezihig?
gnueg zum sich gegesiitig unterstütze und gmainsam z kämpfe?
odr isches meh es summergfühl, wo wiedr schwindet?

ihr zwaaii
ihr wüssed selbr nid, was ihr wend.
ihr zwaaii
sind so herzig wenner so schüüch sind
ihr zwaai
doch öb oi das wiiterbringt?
ihr zwaii
es gitt niemerd wo oi dezue zwingt!!
ihr zwaaii
und doch hoff ich so sehr
ihr zwaaii
das ihrs irgendwenn au na as ziel schaffed;-)

es gfühl wie en sturm

es gfühl
unbeschriblich

es zerstört alles
es macht alles nur na schlimmer

wie en sturm
wo alles durenand bringt

wo mis lebe ufde chopf stellt
wo alles kaputt macht wo mal isch gsi

womer so hilflos isch und nüt degege mache chan
das gfühl aifach nüt wert zsii

das gfühl wo so weh tuet
und so verletzend isch

es verstahts niemerd
obwohl all kenned

mer chans nid beschriibe
mer chans nid erkläre

wie en sturm
wo alles zerstört

es verwirrt
bringt mini gedanke durenand

füegt mir schmerze zue
ohni dasich öpis mache chan

niemerd chan das verhindere
niemerd chan mir helfe

das gfühl wird immer wieder choo
und ich wirds aifach nid los

es isch kais normals gfühl
wie s gfühl, dasmer hunger hätt
odr s gfühl, dasmer aich liebr öpis anders wett mache

es isch ehner wie en sturm
jedesmal chli andersch
nid immer gliich intensiv
abr es hinderlaht jedesmal spure
und es isch so asträngend und schwierig, die nachr widr uufzruume

es isch es dunkels gfühl
dünkler als schwarz
dünkler als t nacht

es gitt kais wort wo das gfühl gnueg guet beschribe chan
abr es gliicht am ehnschte amne sturm

und es wüetet und tobt
bis mer nüme mag
und sogar wenns sich verzoge hätt, ish na nüüt guet
will aifach z viil debi kaputt gaht

s gfühl wie en sturm...

zittere

du saisch das
als wers selbstverständlich

ich lies es
und mis herz fangt a zpoche

es pocht immer schneller
und macht mich ganz nervös

angst durchdringt mich
mis herz schmerzt

es isch alles nid so schlimm, denk ich mir
abr mis herz schlaht widr

es wird immer schneller
und min chopf wird ganz warm

ersch wos du mir erklärsch wies gmaint gsi isch
beruhig ich mich langsam widr

min puls chunnt langsam chli abe
und min chopf wird widr chüehl

abr mini gedanke dreihed wiiter
si höred nid uuf

si raubed mir de schlaf
und machäd mich ganz konfus

ich versuech z vergesse
aich ischs doch gar nid schlimm

es isch ja s richtige
abr es duet so weh

waiss au nid
abr s herz pocht immerna

und jedesmal wenni dra denk
wird wieder alles vo vorne afange

und es zerrisst mich innerlich
und macht mer so angshd

dasich zittere

+

de glaube wo mich nie verlaht

t liebi wo mis herz erfüllt

t freud ade chline sache im lebe

t gfühl

die moment womer sich gern dra zrugg erinneret

und die mensche wo zu aim hebed


danke.

guetguet..wers glaubt...

du frögsch wies mir gaht
ich seg *guetguet*
d bisch zfride

ich trei mich weg vor dir
träne i mine auge
en schmerz i mim herz
es gfühl wo mir ufde mage schlaht
öppis wo mir de atem raubt

ich lueg dir id auge und lüge
und du merksch es nid

du gsehsch gnau wies mir gaht
odr bisch wüki so blind?

du kennsch mich sitts mich gitt
und doch kennsch mi aifach nid
voll niid

odr willsch es aifach nid gseh?
willsch aifach nid na meh problem odr sorge?

ich chan dir nid böös sii
du tscheggsch es nid mal..

ich seg dir wieder
*guetguet* und wird widr weglaufe
wienich immer vor dir weglaufe
und wird dich immer wieder alüge
obwohls mir so weh tuet
und du wirsches wiedr nid merke
will du mich nid beachtisch odr nid gnueg zum das gseh

und jede tag wiederholts sich
*guetguet* segi..
ich chan dir nid wüki id auge luege
abr das fallt dir nid uuf
ich brings fashd nid usem muul, abr du merksch nid das mini stimm versait
es durbohrt mis herz, dases duu nid merksch
abr es isch wohl besser soo

wiiterhin *guetguet*

hesch du mir nid versproche
das du immer en schriit hinder mir bisch
und mich uffangsch
wenn ich gheie?

hesch du mir nid mal s gfühl gää
vo dir gliebt z werde
egal was passiert und wienich mich fühl?

häsch du mir nid erlebnis gschenkt
wo unvergesslich sind
und oisi bezihig vertüüft hätt?

häsch du mir nid immer alles gää
wonich bruucht han
und sogar na meh?

ich verstahn nid wiso ez plötzli alles anders ish..?!

ich han au gfühl!!!

du bisch daa
abr du bisch nie für mich daa
du chasch mit allem zu mir choo
abr du chasch mir nie helfe

hesch aich gwüssd, das ich au gfühl han?

du chunsch zu mir wend geld bruuchsch
wend e umarmig bruuchsch
wennd öperd zum rede bruuchsch
wennd öppis nid verstahsch

abr ich han au gfühl..

ich mag aifach nid immer daa sii
und so tue, als würdich das alles chöne über mich ergaa laa
ich mag nüm das sii, wonich für dich gsi bin odr immerna bin

ich han ebe au gfühl, waisch!
öbs glaubsch odr nid, irgendwenn mag au ich nüm.
ja iich, wod mainsch, ich seg voller lebensfreud und power.
ich bins so laid dir geld z pumpe und für dich aifach alles gää.
ich han dich zwar gern, abr ich bin nid blind.
mainsch ich tscheggs nid? mainsch ich bin e chliini dummi barbie womer knuddle chan und als geldautomat benutze wenns gad nötig ish?

nai. ich han au gfühl!

und du machsch so viiel kaputt, du hesh so viel ifluss uf mich
wänn tscheggsch das entli?
wetsch das wüki zerstöre?wetsch mich würkli verletze?
odr waisch aifach nid, das ich au gfühl han?

für dich binich t sunne, wo immer schiint
t liebi wo immer geduldig und lieb isch
s schwiige wo immer chan zuelose
de goldesel wo immer gäld hätt

abr waisch was ich würkli bin?
ich bin es maitli mit gfühl. ja das gittz.
und ich bin au nid immer t sunne. und ich han au nid immer geld. und ich bin sensibel und verletzlich.

du wecksch mini dunkel siite
du bringsch mich zum brüele
du machsch mich so tammi truurig

waisch aich, dasi au gfühl han?
odr gittz für dich wüki nu dich?
hesch schomal öpis vu familie und fründe ghört?
schaisse wach uuf!

ich hann au gfühl..

hey lüüt han oi u mega lieb und danke für die tolle tääg^^ ihr sind voll de hämme und oii spontanität gaht voll ab(siehe pedalo fahre) und hey de sportlich tail bim pedalo, umelatsche in züri und velotour zu mörsburg ish au supiiiii^^
thx for everything. love. michelle

haai schatzhiii=)

han etz paar fotene druf taa (die ainte sind bearbeitet)

joujoouu=)

ish en kuule day gsi zumindeshd de morge (danke säre und rachel)
ihr hend mich schöön abglenkd vo *ich-vermisse-min-schatz-afäll*

abr schatz??=) vermiss di trozdem häääftig däääftig=)
abr ich bin daa au in guete händ und sushd hani immerna de knuuut^^

saish dine zwai kollege es greeezly;-)

und gnüss es na am schöne meeer *troim und auch will*
gahn ja au sho bald *froii und gleichzeitig traurig werd*

lieb diii megaaaa
Y.A.T.B!!!

ich vermiss diich

schatz ich vermiss dich








bevor du abflüügsch
vermiss ich dich

während du flüügsch
vermiss ich dich

nachdem du achoo bisch
vermiss ich dich

wenn du dete bisch
vermiss ich dich

während dene ganze zwai wuche
vermiss ich dich

wenn du zruggflüügsch
vermiss ich dich

wenn du da achunsch
vermiss ich dich

aber ersch wennich dich wieder dörf id arme nää
vermiss ich dich nüm=)

ich frög mich, wod hoffnig bliibt

die hoffnig wonich so lang gha haan

wonich a dich glaubt han

und für es wunder bättet

wonich die gwüssheit gha han: es chunnt guet

dete wos mir egal isch gsi was mit allne andere odr mit mir isch

will nur duu alles für mich gsi bisch

doch t hoffnig isch verflosse

ich chan si nüm finde

waiss nid wo sueche

waiss nid wo uftanke

han de glaube a dich verlore

dases mal packe würsch

dasd nid wieder gheie würsch

chan nüm dra glaube

das du e eigeständigi person wirsch

wo sich nid beeiflusse laht

isch denn alles für nüüt gsi?

nai.

bin so froh bisch du wieder ufem weg.

aber ich warte druff, das die hoffnig und zueversicht zrugg chunnt!

ich han dich immerna gern

abr ich wett aifach unabhängig sii vo diir

du hesch unbewusst so viel kaputt gmacht

ich bin der au nid böös weg dem

du heschs ohni absicht gmacht

aber die verletzige sind halt gliich da

und ja ich chan nanig so guet demit umgaa und drum ...

du söllsch aifach wüsse:

ich han dich lieb. für immer. egal was chunnt.

(--> das hesch ja wahrschinli au gmerkd hoffi;-)

will ich oi lieb han.

ich bin oi nid böös
und ihr wüssed nid mal dasi en grund dezue hett

ihr fröged mich,
wies mir gaht.
aber ihr wend d antwort nid ghöre!
was söll das?? mis gsicht zaigt das ich truurig bin.
ihr fröged wiso.
aber ihr wends gar nid wüsse!

ich mag nüm mit oi rede, will ihr anderi problem hend
ich tuen oi nu zuesätzlich belaschte
und wenn ihr wüssted wienich mich fühl, würs oi au grad schlechter gaa
und das wetti nid.

ich han oi gern,
das müend ihr mir glaube!
aber ich hans so satt immer nur übers gliiche thema z rede.
denked ihr, es seg mir nid wichtig?
doch das isches.
aber es gitt na anderi sache im lebe.
und ich muen würkli ufpasse das ich glaube chan, das ihr mich gern hend.

ihr sind so lieb zu mir
aber ich chans nid zu eu sii
will ich mich so unwichtig fühle i de nöchi vu eu

sind mer bitte nid bös.
aber für eu existier ich nur na zum esse.
ihr erwartet vu mir, dasich mitem chopf nicke wennihr fröged wies mir gaht.
aber das chan ich nid,
will ich eu nid alüge wett...

es duet mer so laid was mit ihm isch
echd!!
i würd alles dra gee zums ändere
aber bitte
mached nid mich defür verantwortlich
ziend mich nid na meh abe, als ich eh scho bin

ich muen selber ufpasse
dasich nid sink

also erwartet bitte nüüt vo mir.
ich erwarts au nüme vu eu.

ihr chönd mich ignoriere
ihr chönd mich nid beachte
ihr chönd gnau so wiiter mache wie bis jetz
will de schmerz wird nüm tüüfer gaa

mis herz isch chalt worde
hert
es redt nüm dur wort
sondern dur träne...
und die flüssed und flüssed
aber das alles im verborgene

will ich oi nid weh mache will.
will ich nid na alles verschlimmere will.
will ich oi lieb han.

sorry.
und danke.

ich bin oi nid bös.
sinds miir bitte au nid!

ich gib mis beschd und hoffe
dases langet...

du gsehsch i mini auge
und du heschs gfühl, i mich ine z gseh

du gsehsch mini auge strahle
und denksch, ich seg glücklich

du gsehsch t farb i mine auge
und bisch dr sicher, mir gahts guet

du gsehsch de uusdruck vu mine auge
und waisch, es isch alles super

aber was du nid gsehsch isch daas,
wo sich hinder mine auge verbirgt

du hesch wahrshinli de iidruck
dasd auge us glas sind und du derdur gsehsch

abr du tüüschisch dich
will was du gsehsch, isch e illusion

es isch dini ibildig
odr dini falsch ischätzig

du kennsch mich nid.
und du bisch nid di ainzig.

du verstahsch gar nüt
was sich in mir abspielt

nid mal iich verstahns,
aber ich lueg in spiegel und weiss:

mini auge lüged.
si seged nid daas, wo mis herz sege will

nur d träne wo derdur usechömed zaiged
was ich würklich fühl.

abr die gsehsch du nid.
du gsehsch nu s strahle.

und ich bin so froh dasdu im gedanke lebsch
dases mir guet gaht.

und na glücklicher macht mich,
dases diir würkli guet gaht!

mis herz will mir öppis sege
es isch nüt schlimms
es isch nüt böses
es isch nüt krasses
abr ich waiss nid was es isch
und es macht mich truurig
und verhindert, das ich lebe chan.

krass.

krass. es isch so unfassbar. nid in wort uuszdrucke. z schlimm. z iischniidend. z gravierend. z prägend. z verletzend. z hert. z unglaubhaft. z viil für mich. es löst mini albträum uus. es isch nid mis erlebnis. sondern diis. und so wichtig bisch du mir, dases mich meh betroffe macht als dich.
chans nid verarbeite. chan weder lache no brüele. chans mer nid mal vorstelle. wotts mer nid mal vorstelle. wills mer bim gedanke dra schlecht wird. will mir alles in chopf stiigt. und will mis herz die vorstellig nid verchrafte würd.
krass.

du fangsch mich uuf

ich bin daa
und irgendwie doch nid
- abr du fangsch mich uuf

ich verzell dir sache
aber duu chaschs nid verstah
- und doch fanggsch mich uuf

ich han träne ide auge
waiss nid öbs gsehsch odr fühlsch
- aber du fangsch mich uuf

ich mag nüme kämpfe
doch du kämpfsch wiiter
- und fangsch mich uuf

ich fühl mich nüm wohl
wett aifach weg
- doch du fangsch mich uuf

ich bin ned guet druff
und du muesch mich erträge
- und doch fangsch mich uuf

ich bin unerträglich
und verletz dich unabsichtlich
- aber immer wieder fangsch du mich uuf

ich sehn mich so nach diir
und du chunnsch zu mir
- und fangsch mich uuf

dank dir bin ich na nie so tüüf gheit
wies sho lang mal passierd wär wenns dich nid gäbt
- will du mich immer wieder uffangsch

ich bin so froh dich zhaa
und zwüsse dasd hinter mir stahsch
- und du fangsch mich uuf egal was passiert

danke.ich lieb dich.

will lache
will blödele
will gnüsse

chan nur brüele
chan nur ernscht sii
chan nüm glücklich sii

will wieder lerne
und wieder die werde, wonich gsi bin und wonich sii wett

es isch als wär ich tot

Ich bliibe sitze...

ich erträg dich nüm

du bisch daa
und gliich so fremd

du machsch mir hoffnig
und enttüschisch mich immer wieder

du machsch mich truurig
und saisch es duet der laid

du bringsch mich zum brüele
und waisch es nid mal

du hesch mich gern
aber ich merks niid odr nüme

du bisch aifach daa
aber ich gspür dich nüme

ich waiss aifach nüm wasd wetsch
willichs nüm würkli wüsse wett

ich mag aifach nüm um dich kämpfe
will ich so angscht han das du widr gheisch

ich chan nüm für dich bätte
will ich gott nüm vertraue

ich chan nüm a dich denke
will ich denn so truurig wird

ich chan dir nüm id auge luege
will ich waiss, es isch nanig verbii

ich chan dich nüm anää
will ich uf abstand gahn

ich will uf abstand sii
willich mich nüm vu dim lebe beeiflusse lahn

ich wills nüm wüsse
wills mer egal isch

ischs mer egal?
nai

aber es muess.
will ich sushd draa verreckä

sory.
abr du chash mir nüm wichtig sii.

du bisch mis lebe gsii
und bi jedem mal wods versaut hesch

binich chli meh verletzt worde
und jetzt chunnt de punkt

aigentlich isch de punkt scho lang daa,
wo ich nüm chan mis lebe für dich verantwortlich mache

ez isch die ziit da, wonich au mal a mich denke
wonich dir aifach nüme mag helfe

wonich kai chraft meh han
wonich aifach da sitze

willich nüme mag ufstah
willich nüme chan vorwärts gaa

und ich bliibe sitze...

let it be

you try to make me smile?
let it be

you think you can help me?
let it be

you try to change my sadness into happiness?
let it be

'cause there's only one
who can do this.

so stop it. let it be.

Stop thinking that I'm okay

everybody thinks
that I am okay

alright..

everybody thinks
that they can see into My heart..

but they don't see the tears I cry day by day
they don't see the sadness inside of me
they don't feel the darkness from my soul

everybody thinks
they know everything about me
but in reality, they know nothing.

they just see me. but not into me.

everybody thinks
that I am okay.
but I'm not.

I'm so sick of laughing
I'm so tired of trying to be happy

because it would be just a dream
inside my head

but the reality
had opened my eyes

and I'm sick of speaking about good things
I'm tired of saying that I feel good

so please, STOP IT!

Das Leben
rauf und runter
kurz
schnell vorbei
und doch so langatmig

langweilig
intensiv
Hoffnung

schwiige

vo wo chunnt die freud?
ohni grund.

vo wo chunnt die dunkelhait?
vude mensche.

woher isch das gfühl?
es hätt sich selbständig gmacht.

was isch luschdig draa?
alles.

was isch doof dra?
nüüt.

tscheggsch es du?
ich au nid.

ich waiss es nid?
du au nid.

hani e ahnig?
ja.

vu was?
vu nüüt.

bini verwirrt?
nai s gseht nu so uus.

tueni soo?
ja.

wiso?
willis bin.

gahts mir guet?
ja.

und ehrlich?
nai.

und wiso hesch ja gsait?
du hesch au ja gsait.

stimmts nid?
doch.

ich will nüme.
was willsch nüme?

chani dir nid sege.
wiso nid?

wills du nid verstahsch!
wiso mainsch du das?

liebr nüt sege.
als schwiige.

liebr ehrlich sii.
als rede.

liebr brüele.
als innerlich verblüete.

liebr lache.
als unglücklich sii.

bisch denn unglücklich?
nai.

wiso lachsch denn nid?
ich chan nid.

verzell?
liebr schwiige.

I see black.

I'm sitting here

and I don't know what to do

I'm just here

In my heart, many feelings

in my head, lot of thoughts

In my dreams, everything's okay

In my dreams, life is wonderful

I see flowers, the sea and lakes

water

The sun's shining

and it's warm...

But if I open my eyes

I frighten...

The reality isn't like that

There are beautiful things on earth

but I can't see them

I can't touch them

I can't hear them

Because I see just black.

I see the rain and the darkness.

If I look inside the hearts of other people

I see hate

I don't wanna see so, I want see the colours of life

but it's so hard

Thinking positive isn't easy in this world

because there are really lot of problems

and I see black.

I open my eyes, and I close them as soon as possible

because I don't wanna see these things. These terrible things.

I just wanna fall asleep.

and don't open my eyes again

Because all I can see

is black.

Show me something beautiful

It'll make me smile for seconds

but these are the moments

when I close my eyes and try to laugh

But if I open them again

I will fall

and see black again.

es macht mich fertig

ich stahn i mim zimmer

bin ganz nööch am fenschter

es regnet verusse

ain tropfe nachem andere glaitet langsam vu obe nach unne

es bildet sich chliini flüssli

und sobalds une achömed

verschwindets

denn sinds weg

mer chans nüm finde

chan sueche und sueche

es isch ussichtslos

so schnell gahts verbii..

abr es gitt immer wieder neui

und si flüssed

die ainte schnell

di andre nämeds gmüetlicher

und dusse regnets na immer

s wetter isch hässlich und wird immer schlimmer

es macht mich fertig

i lueg de regetropfe zue

wie si vu obe nach une flüssed

und sich vermisched mit anderne wassertröpfli

und wie die chline flüssli schlangeartig i ihrem tempo verschwinded..

ich waiss nid wases isch

was mich draa fasziniert

vilichd isches de vergliich mitde träne, wo genau glich funktioniered

odr vilich isches t faszination am vergängliche

odr t freud am schauspiel

vilich isches abr au s gfühl

vilichd isches au de gedanke draa

ich bin ide wärmi

ich gspür die wassertropfe niid

abr doch sinds so nööch

ich waisses nid

abr es macht mich fertig

und doch chan ich mini auge nüm devo laa

ich chan min blick nienets anders hiilenke

will ich bliib dete hange

bim ainzelne wassertropfe

und lueg ihm naa

bis er verschwindt

und wennich denk: es isch verbii

denn chunnt en neue

und si vermisched sich

und verschwinded wieder

chälti

es ish nass und trüeb

t wulke soo nööch

s helle so fern

wie ide nacht

doch es ish taag

es regnet

es stürmt

es haglet

es gwittret

es wird immer dünkler

chelter

es demotiviert

und deprimiert

es isch aifach nu e chälti

doch ob die chälti wüki vu usse chunnt??

i dini arme

wohii gaa wenni allai bin?
woane zum ufem wäg bliibe?
wo die geborgeheit finde?
wo die sehnsucht stille?
woane gaa zum verstah?
wohii go uuftanke?
wo t liebi gspüre?
wo diich erläbe?

ich will i dini arme

egal wases mich choschtet
egal wases mich bruucht

halts nüme uus so wiit weg vo diir
mag nüme

i dini arme renne
und dete bliibe
für immer

dini liebi gspüre
dis chind sii¨

geborge i dir
gliebt vu dir

i dine arme rueh finde
fride is herz
freud is lebe
muet zum wiitergaa
chraft zum kämpfe

i dine arme
uuftanke

und t erkenntnis günne
s lebe gaht wiiter

mit diir..

en traum

en traum

er chunnt immer wieder
verfolgt mich
laht mich nid los

immer wieder de gliich
er chunnt ide nacht
abr au am tag

er isch daa
i mine gedanke
i mim chopf

er durchbohrt mis herz
was er uslöst
isch schmerz

es isch kain traum
er isch wahr
wett vergesse

de traum
es isch en alptraum
er gaht nid verbii

er isch daa
laht mi nüm los
quält mich

bis zum geht nicht mehr
isches en traum?
naai

wett ufwache
und die heili welt gseh
doch das isch e illusion

de traum gaht wieder
bsuecht mich jede tag
de alptraum

es isch nid irgend en traum
er isch so real
und doch unvorstellbar

en traum...

zwüschet zwai welte

so wiit weg vude ewigkait
und doch so nöch am tod

so wiit weg vude liebi
und so nööch am hass

so wiit weg vum liebe
und so nööch bim bööse

so wiit weg vu diir
und so nööch bim vergängliche

so wiit weg vum himmel
und doch so nööch im traum

so wiit weg vum schöne
und so nööch bi dem womer liebr nid gseh wett

so wiit weg vude traumvorstellig
so nööch bide realität

so wiit weg vu dem woni sii wett
und so nööch bi dem woni verabscheue

so wiit weg vu dete wonich hii wett
und so nööch vu dete woni niemals han hiiwelle

so wiit weg vum traum
und so nöch ide realität

so wiit weg vum liecht
und so nööch bim dunkle

so wiit weg vum weg
und so nööch bim abgrund

die ganz welt
en scherbehuufe

de ganz himmel
s paradies

so wiit weg vo dir
und so nööch bi allne anderne

so wiit weg vude wärmi
so nööch bim chalte

so wiit weg vum flüüge
so nööch bim gheie

die ganz welt
en scherbehuufe

de ganz himmel
s paradies

so wiit weg vum guete
so nöch bim bööse

so wiit weg vum lache
so nööch bim brüele

so wiit weg vum glücklich sii
und so nööch bim gegetail

aifach hin und her grisse

ish d welt
sho abgstürzt?
na z rette?

zwüschet zwai welte...

vom hässliche entli zum schwahn

du mainsch

du segsch es nid wert

du denksch

du segsch es hässlichs entli

du bisch devo überzüügt

dasd nid wertvoll bisch

du chash nüme

will alles um dich ume dir verbüütet glücklich zsii

du magsch nüm fröhlich tue

will alles i dir inne s gegetail isch

du waisch nid

wie toll du bisch

du vergissisch immer wieder

wieviil mensche dich liebed

du denksch nid dra

was aich alles positiv isch

du bisch kais entli

du bisch en schwan

du wirsch schöner

vu tag zu tag

du wirsch elter

und begriifsch immer meh

irgendwenn

ich waiss nid wienichs dir chan klar mache

du muesch es aifach verstah

du bisch kais entli

en charakter wie niemerd anders

so unglaublich speziell

so en starche eigete wille

und doch so unsicher

so hin und hergrisse

und am untergaa i de eigete gedanke

am versinke

und ertrinke i aigene gfühl

ich will nid dasd untergahsch

ich will dasd verstahsch

du bisch e hammer frau!

und egal was anderi seged

los nid druff

lahn dich nid abezieh

will du wirsch nie allai sii

sie scho!!

stell dr das vor

du bisch e prinzessin

es chind vumne könig wo über de ganze welt regiert

krass, niid?

vergiss s entli

und entfalt de schwan

du bisch es wert!

öbs glaubsch odr nid

und de gwüss maa i dim lebe

isch aifach so hohl

wenn er das nid verstaht

wenner dini schönhait nid gseht

wenn du ihn nid blendisch

mit dim wunderschöne lache

tönt kitschig

isch aber soo

echd ich mains ernschd

überlegg dr mal, wie hammer du bisch

und denk nid z lang naa

will es git so vieles

dini stärchene und schwächene

vergiss de typ

und lahn dich erobere

prinzessin ufem thron

du bisch nid vum entli zum schwan worde

du bisch scho immer en schwan gsi

en wunderschöne schwan

abr du waisch es nid

lueg dich mal aa!!

bis stolz uf das wod bisch!!

en schwan sitt geburt

und für immmer<3

chaos puur

chaos puur

es lebe

wie kais anders

durenand

verwirrt

chaos puur

es gfühl

wie kais anders

unverändert

beeiflussend

chaos puur

en gedanke

wie viieli anderi

negativ

zieht mich abe

chaos puur

immer tüüfer

und wieder höch

immer wiiter

und widr zrugg

chaos puur

schmerze

freud

liide

motivation

chaos puur

angscht vor neuem

s alte verlaidet

kai lushd

und doch muess es sii

chaos puur

e achterbahn

macht nid spass

e achterbahn

mit unfall

chaos puur

wie imne freiziitpark

under lüüt

lache, und doch nid glücklich

brüele, und doch nid truurig

chaos puur

mer lächlet t lüüt a

abr denkd schlecht übr sie

mer redet fründlich mitenand

und lästeret hinder em rugge

chaos puur

verchehrti welt

ischs normal?

nüt.

was?

chaos puur

mis lebe lebt mich

ich lebe nid

ich lebe nid mis lebe

mis lebe lebt miich

ich chan nüt mache

so chliin und hilflos bini

so unbedüütend under millione vu mensche

und doch gittz mich

und es isch nid zuefall

es isch nid en unfall

es ish nid dumm

es hätt en sinn

mis lebe lebt miich

kai kontrolle me

kain ifluss uf mini gfühl

schlechte gedanke

mini schaiss luune

mis lebe lebt miich

will vergesse

aifach abhaue

weg

uuswiiche

abr es verfolgt mich

was isch es?

mis lebe lebt miich

und es wird immer schlimmer

obwohl alles besser wird

es chan na schlimmer choo

mis lebe chan mich na meh lebe

tscheggsch das nid?

ich au niid

verwirrt und verzwiiflet

will mis lebe mich lebt

mich gittz au na

schaisse

alles in mir

widerspieglet s erläbnis vu dir

alles um miich

erinneret mich a diich

alles a miir

zaigt mir, es liit a diir

schaisse

ich waiss nid was mache

brüele odr lache

waiss nid was denke

dich aschnauze odr freud schenke

waiss nid wie umgaa

drübr rede odr alles la staa

schaisse

s chan doch nid sii

es isch doch nid alles verbii?

s chan doch nid sii

wills vergesse, glii..

s chan doch nid sii

wie isches denn wüki gsii?

schaisse

mini gfühl verarbeite

was gittz für möglichkaite?

mini gfühl akzeptiere

und mini gedanke widerspiegle

mini gfühl verdränge

und s härz la bränne

schaisse

ich tscheggs niid

vilich ish das gschiid

ich tschegg nüüt

nd de gedanke woni mer verbüüt

ich tschegg alles

abr öbis wüki schnalle

schaisse

wär hilft mer

s isch so dammi schwär

wär isch bi mir

und verzwiiflet nid a miir

wär verstaht mich

du odr iich?

schaisse

waisch was i wills vergesse

nid alles i mich inefresse

waisch i chan nid demit lebe

i will nach öpis guetem strebe

waisch es isch nid so aifach

ob schaiss odr krach

schaisse

wenich diich nid hett

das ischs au nid wasi wett

denn wär ich seelisch tot

und hett kai hilf i de noot

danke bisch duu daa

und lahsch mi nid staa

sory bini so unzfride

schenk mr bitte de fride

ich will soo nid lebe

will dir wieder begegne

will dir vertraue

und e neus fundament ufbaue

will dir alles hiilegge

und entli tschegge

miich gittz au na

du bisch zrügg

was hett aues müesse passiere
bis du's äntläch tschegged hesch

wie viu träne hei müesse fliesse
u du weisch nüt drvoo

wie hett das numä chöne so wiit choo???
wie hett das chönnä passierä?

Ig wott nieme um di truure
niemeh für dii träne vergiessä

ig wott mit dir lache
mit dir rede

i bi so dankbar
isch aues verbii
u i wotts niemeh erläbe

i wott eifach numä vergässe
was passierd isch
was du hesh müesse erläbe
u wie ig ha müesse liide

ig bi so froh
geits dir widär guet

u i weiss
du wirsches schaffe

ig stah hinger diir
u lah di nie gheie

wiu ig ha di feschtä gärn mi chnuschti!

T-BASE Abschluss