Mit dir bin ich näbed mir

Näbed dir ligge
und neb dir iischlafe

Näbed dir ufwache
und am noie Tag mini Äugli öffne

Näbed dir sii
und din Atem gspüre

Näbed dir i dine Ärm ligge
und dir bim pfüüsele zueluege

Näbed dir i ligge und dir id Auge luege
und dini Schönheit gseh

Näbed dir sii und wüsse, du liebsch mich
und ich dich au

Näbed dir pfüüsele
und dich eng umschlunge hebe

Näbed dir sitze
und dir es lächle schenke

Näbed dir stah
und au hinder diir, i jedere situation

Näbed dir laufe
und zeme de Weg gaa

Näbed dir gheie
und vo dir ufglupft werde

Näbed dir alles vergesse
und a dine Schultere alehne

Näbed dir truurig sii
und bi dir troscht finde

Näbed dir fröhlich sii
und dich mit Freud astecke

Näbed dir tanze
und dini Bewegige bestuune

Näbed dir kaputt sii
und vo dir noi motiviert werde

Näbed dir am Änd sii
und doch nie vo dir ufgää werde

Näbed dir singe
und i dini lüüchtende Auge luege

Näbed dir ligge
und dir nööch sii

Näbed dir sii
und egal was chunnt

Mit dir bin ich immer näbed mir!

Kennsch das gfühl?

Kennsch das gfühl, nid z wüsse was los isch?

Kennsch es, dich allai z fühle obwohl all hinder dir stönd?

Kennsch es, todmüed zsi obwohl dir de schlaf nid fehlt?

Kennsch es, nach Luft z schnappe obwohld kain grund dezue hesch?

Kennsch es, mengmol aifach welle anezligge und sege: ich gib uf.?

Kennsch das gfühl, nüt wert zsii obwohl dich so viel mensche vo ganzem herze liebed?

Kennsch es, kapuut und zerstört zsi, ohni das öpis los isch?

Kennsch es, aifach welle tschau si?

Kennsch das gfühl, all seged gege dich und du muesch allai kämpfe?

Kennsch es, das nid waisch wo gott isch und was er vorhät und wiso er das zuelaht?

Kennsch es, aifach am bode zerstört zsi und nüt degege chöne z mache?

Kennsch das gfühl aifach nüt zsi? obwohl du alles bisch!?


ich waiss du kennsch es.
und ich waiss es gaht verbi...
aber ich waiss au dases so schaisse isch!
ich kenns.. ich fühls.. ich wills nüme..

ich bin so froh bin ich nid allaige demit
und ich hoff mini gedanke helfed dir (und du waisch das du gmaint bisch;) muet und hoffnig z tanke
und widr vorwärts gaa
und die energie und power freizsetze, wo gott dir gschenkt hett!

du kennsch das gfühl.
und du bisch stärcher!

äs tuät mär leid

so viu woni dir nid gseit ha
wiu igs eifach nid ha chönnä

so viu woni dänkt ha
woni nie hätt dörfe

so viu mau woni bättet ha
u doch nüt passiert isch

so viu mau wonni grännät ha
u jedi träne meh wo gflosse isch
es hett nie di letscht wöuä sii
es heett nie ufghört

und jedesmau wenni dra dänkt ha
träne i mine ouge
hani wöuä dases mi chaut laht
abär es isch numä no töifer wordä
numäno schlimmer

und es zerstücklet mis härz
ig wetts stoppe
aues ufhaute

nümä dra dänke

eifach vergässe

abr es wott nid verschwinde
und es grabt sich töifer u töifer
und irgendwenn.. ig weisses.. gahni dra kaputt

wenn bis denn nid würkläch e veränderig passierd!

es stäche im buch
es trucke im chopf
es gfühl im mage
e hoffnig im herz

e ussag wo aim schluucht
chlopf chlopf
zerstört und erschlage
es herz voll schmerz...

ussert öper

s liecht
es schiint
dunkel isch es

t musik
si lauft luut
still isch es

t mensche
si sind all da
ich fühl mich allai

t stimmig
si isch hammer ober mässig
ich chönt sterbe vor truurigkeit

leider isch das nid sarkasmus
schicksal oder ironie

es gfühl
wo aim nid loslaht

wo aim fesslet und alles kaputt macht

es isch das gfühl wo niemerd vo usse beeiflusse chan

egal was wie und wo

ussert öper

es lächle schenke

es lächle schenke..

si lueged mich abschätzig aa
es lächle schenke

si lästeret über andri und ich bin debi
es lächle schenke

ich waiss nid was sege und bin verlege
es lächle schenke

egal i wellere situation
wiso nid aifach mal smile?

wills nid gaht!
wills s herz nid zuelaht!
de verstand nid mitgaht..

aifach es lächle schenke

du?
nai ich.
wiso?
kai ahnig.
doch du waisches doch?
ja ich waiss es scho klar.
abr du hesch gsait du waisch es nid?
ja ich han gloge.
*träne* wiso lügsch mich a?
will mis ganze läbe e ainzigi lüüg isch.
dis lebe, wie mainsch das?
ich han na nie t wahrheit gsait!
waaas?
ja.
das isch nid din ernshd?
doch. und das isch ez wahr.
waisch aich dast mer angshd machsch?
angschd kenni nid.
sicher, du bisch voller angsch findsch nid?
doch bini.
hey nai?
doch. immerna.
will ich weg vo dir oder main ichs nur?
muesch du wüsse.
ego?
ja. ego pur.
chan nüme ej was isch los mit dir?
frög nid!
scho zspaht, schlimm?
nai hans überlebd.
nai du saisch?
ja.
ich kenn dich nid du bisch doch nid du?
nai ich bin nid ich.
sondern?
psycho.
freak.
spass?
niemals.
angschd?
ja.
hö ?
ja!

du

du bisch echt
doch mer chan dich nid alange

du bisch voller liebi
doch wie gspür ich das?

du hesch alles für mich gmacht
doch wiso für mich und nid all andere?

du bisch voller geduld und gnaad
doch wär hätt das sho verdient?

du bisch so nöch saisch
doch du bisch sooo wiit weg dasich mir aifach nüt vor dir vorstelle chan

ich ghör vo dir
überall wonich bin

ich lies über dich
und bin voller neugier

all erläbed sache mit dir
ich will au

ich will dich chöne abätte
alles um mich ume vergesse

aifach allai sii mit dir
und gnüsse

i dini gegewart cho
und dich niemeh loslaa

niemeh weg vo dir
du bisch de gröscht

und ich will dich
und i dini nöööchi

schaffis?

wird ich dra kaputt ga
odr druus lerne und stärcher werde?

wirds mich nie loslaa
oder wird ichs chönne verarbeite

wird ich chöne glücklich si
obwohl ich dra denk?

wird das alles möglich sii?

just don't know

don't know where's the joy in your eyes
don't know where's the love deep inside your heart
don't know what you feel
don't know what you are thinking about
don't know what's going on
don't know what's on your mind

i just don't know
who you are
where you are

i know your name.
i know you're mighty and holy
you are almighty!
but i can't feel you. my heart's searching. you said i will find you.
but when???