jederziit

hey, easy.

jederziit

du waisch, das ich dich main.

ich wett dr aifach nur sege, dases mir mega laid duet.
das mit dinre umgebig.
du denksch du muesch allai demit fertig werde.
weg dim stolz.
aber das muesch nid.

jederziit

es gitt lüüt, die mached sich sorge um diich.
es gitt lüüt, die denked a dich und bättet au!

es gitt sogar mensche, die wend wüsse, wies dir würkli gaht.
du hesch au kollege, wo für dich da sind.

jederziit

wiso nimmsch das alles nid in aspruch?
fründe sind dezue da, sich gegesitig z hälfe.
du muesch nur cho..und es werded persone daa si.

ich han imfall es telefon.
hetsch nid dänkd, hm?
chasch mer jederziit alüüte!
immer!

jederziit

ich waiss.. das wär dr mega unwohl.
und du hetsch es schlächts gwüsse.

abr waisch was wär mit mir?
ich hett dammi froid!
echt!!

jederziit

ich chans nid erträge, dich mit dere fröhliche fassade z gseh!
immerhin han ich dich mega lieb!=)

jederziit

ich wett aifach dasd waisch. ich bin da.
immer.
und ich seg das nid aifach so,
sondern ich wird i de nacht für dich ufstah, wenns telefon lüütet.
ich wird mer gedanke mache, wennt en rat bruchsch.
ich wird dr zuelose, wenn dr öpis ufm herze liit.
ich wird da sii, wennt mich bruchsch.
und ich wird berait si dir z helfe soguet ich chan, wenn du übr din schatte springsh.
din stolz bringt dich nid wiitr!
ich wird alles gää, damits dir besser gaht.

hey du muesh nur en schriit uf mich zue mache.
ich bin daa und warte druf!